100% fast stilling som fagkonsulent / rådgjevar i landbruksforvaltninga

Kommunane Askvoll, Fjaler og Hyllestad har felles landbruksforvaltning, og kontorstaden er Askvoll med kontordagar i Dale og Hyllestad. Kontoret har 5 stillingsheimlar.

 Landbruksforvaltninga for kommunane Askvoll, Fjaler og Hyllestad har ledig 100% stilling som fagkonsulent / rådgjevar frå 03.08.2026. 

Aktuelle oppgåver ved landbruksforvaltninga er:

• Sakshandsaming og rettleiingsoppgåver som gjeld tenesteeininga generelt
• Rettleiing og oppfølgjing av oppgåver knytt til skogbruk, viltforvaltning/utmark, og ulike ordningar for jordbruket
• Rettleiing og forvaltning av midlar innan tilskotsforvaltning
• Landbruksfaglege vurderingar i samband med lovforvaltning, planarbeid og næringsutvikling
• Miljøforvaltning, forvaltning av kulturlandskap og naturmangfald 
• Kontrolloppgåver og halde à jour kart og landbruksrelaterte register og fagsystem m.m.
• Andre oppgåver kan verte lagt til stillinga

Vi ønskjer søkjarar med følgjande kvalifikasjonar/eigenskapar:

• Relevant utdanning/høgare utdanning innan landbruk eller naturforvaltning. Lang relevant praksis kan kompensere for krav til formell utdanning
• Det er ønskjeleg med bakgrunn og erfaring frå tilsvarande arbeid
• Førarkort klasse B
• God munnleg og skriftleg framstillingsevne, på norsk
• Kunnskap og erfaring i bruk av IKT- verktøy, GIS

• Gode personlege eigenskaper, med evne og vilje til positiv kommunikasjon og samhandling med kollegaer og publikum
• Evne til å vere fleksibel og arbeide strukturert og sjølvstendig
• Interesse erfaring frå offentleg forvaltning er ein fordel
• Er engasjert og tek initiativ

Personlege eigenskaper vert tillagt stor vekt ved tilsetjinga.

Den som vert tilsett må kunne disponere eigen bil i tenesta, og rekne med ein del reiseverksemd innan kommunane.

Vi kan tilby:

• Spennande og allsidige arbeidsoppgåver
• Eit godt fagleg og sosialt miljø
• Løn etter gjeldande tariffavtale
• Flyttegodtgjersle etter gjeldande regelverk og hjelp til å finne bustad
• Gode pensjons- og forsikringsordningar offentleg pensjonsordning (KLP)

Aktuelle søkjarar vert kalla inn til intervju.

Tilsetjing skjer på dei vilkår og med dei plikter som til ei kvar tid går fram av gjeldande lover, reglar og tariffavtalar. Askvoll kommune legg vekt på mangfald på arbeidsplassen og oppfordrar kvalifiserte kandidatar til å søkje - uavhengig av alder, seksuell orientering, kjønn og kjønnsidentitet, funksjonsnedsetting og nasjonal eller etnisk bakgrunn. Arbeidsvilkåra vert tilrettelagde for personar med nedsett funksjonsevne.

Vi gjer merksam på at søkjarar kan verte offentleggjort (offentleg søkjarliste). Søknadar om å verte unnateke offentlegheita må grunngjevast, og vert vurdert fortløpande. Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.